Monday, 30 April 2012

எதிர்பாராததை எதிர்பாருங்கள் !!


நண்பர்களே,

மொக்கையானதொரு இன்டர்நெட் லிங்க் கடுமையானதொரு எதிரி என்பதை அனுபவப்பூர்ணமாய் உணர்ந்து கொண்டே இப்பதிவை எழுதுகின்றேன் ! என் சிந்தனைகள் சீராய் ஓடிடும் சமயம், எனது வயர்லெஸ் நெட் கோபித்துக் கொள்ள....அது நிதானத்துக்கு வந்திடும் தருணத்தில் நான் மோட்டு வளையத்தை முறைத்துப் பார்த்த கதை தான் !! எனினும், here goes ... !

எனது கடைசிப் பதிவில், உங்கள் பக்கமாய் ஒரு Surprise வரக் காத்துள்ளதெனக் குறிப்பிட்டிருந்தது நிச்சயம் நினைவிருக்கும் ! அந்த surprise  இதோ..இங்கே..!  


நமது schedule படி இப்போது "லயன் சூப்பர் ஹீரோ சூப்பர் ஸ்பெஷல்" உங்களை சந்திக்கத் தயாராகி இருந்திருக்க வேண்டும்...! (முதல் பிரதியினை தாளா தாகத்தில் காத்திருக்கும் கனவுகளின் காதலருக்கு அனுப்பிட ஏற்பாடு கூட ஆச்சு !)ஆனால்...வழமை போல் எதாச்சும் உல்டா வேலை பார்த்திடாவிட்டால் அதில் நம் முத்திரை இருந்திடாதே !! "சூப்பர் ஹீரோ சூப்பர் ஸ்பெஷல்" இதழின் பணிகள் அனைத்தும் 15 நாட்கள் முன்னரே முடிவு பெற்று விட்ட போதிலும் ; இறுதி எடிட்டிங் பணிகளில் எனக்குக் கொஞ்சம் திருப்தி ஏற்படவில்லை. மனோஹரா பாணியில் ஸ்பைடரும் ; மாயாவியும் பேசும் வசனங்களை நிறையவே trim பண்ணாவிட்டால் பலூனுக்குள் சங்கதிகளை அடக்கிடும் முயற்சியில் எழுத்துக்கள் அளவில் ரொம்பவே சிறிதாகப் போய்விடுவதை பார்த்திட முடிந்தது ! மீண்டும் ஒரு முறை உங்கள் கண்களை சோதித்திட பிரியப்படாத காரணத்தால் - சூப்பர் ஹீரோக்களை சீராட்டி பாராட்டி இன்னுமொரு மாதத்திற்கு எங்கள் கைக்குள்ளே வைத்திருந்து ஜூன் நடுவில் ரிலீஸ் செய்திடலாமெனத் தீர்மானித்தேன் ! (யாரோ விசில் அடித்து ஆரவாரம் செய்வது கேட்கிறதே ?!!)   


முந்தைய ஏற்பாட்டின்படி ஜூன் மாதம் வரவிருந்த லார்கோ வின்ச் பாகம் 1 & 2  இன்னொரு பக்கம் பாதி முடிந்த நிலையில் இருந்தது நினைவுக்கு வந்திட ...அவ்விரு கதைகளையும் ஒருங்கே வெளியிட்டு..ஒரு ஸ்பெஷல் இதழாக ஆக்கினால் என்னவென்று தோன்றியது ! விளைவு - முத்து காமிக்ஸ் SURPRISE ஸ்பெஷல் !! 


இந்த திடீர் மாற்றம் என் மண்டைக்குள் உதித்ததே வெகு சமீபமாய் என்பதால் - லார்கோவின் பணிகளை முடித்திட இரவும் பகலும் நிறையவே பிரயத்தனப்பட்டோம் ! வெறுமனே லார்கோவின் இரு கதைகளை மட்டும் வெளியிட்டு மங்களம் பாடிடாமல் கூடுதலாக வேறு என்ன சேர்த்திடலாமென மண்டையைப் பிராண்டிய போது - மறுபதிப்பாக வெளியிட்டிடத் தயாராகி இருந்த திகில் பாகம் 1 நினைவுக்கு வந்தது ! So - லார்கோவின் அறிமுகக் கதைகள் - "என் பெயர் லார்கோ" & "யாதும் ஊரே...யாவரும் எதிரிகள்" அட்டகாசமான ஆர்ட் பேப்பரில், முழுவண்ணத்திலும் ; திகில் இதழின் பாகம் 1 பிரமாதமான வெள்ளைத்தாளில் black & white ல் எனத் தீர்மானித்தேன் ! 

பரபரப்பாய் பணிகள் நடந்தேறி இன்று காலை அச்சுப் பணிகள் முழுவதும் நிறைவடைந்து விட்டன ! லார்கோ வின்ச் நிஜமாகவே சர்வதேசத் தரத்தில் வந்திருப்பதாய் எனக்குத் தோன்றியது ; சீக்கிரமே உங்கள் கரங்களில் இந்த இதழ் ஐக்கியமாகிடும் போது உங்களின் reactions என்னவாக இருந்திடுமெனத் தெரிந்திட ஆவல் தாளவில்லை!வழக்கமாய் லயனில் எழுதிடும் ஹாட்லைனில் நான் நிறைய எழுதி நீங்கள் பார்த்திருப்பீர்கள்...ஆனால் முத்து காமிக்ஸில் காமிக்ஸ் டைம் பகுதியில் அவ்வளவு விரிவாய் நான் எழுதிய நினைவே இல்லை ! அந்தக் குறையை (?!!) நிவர்த்தி செய்திட இம்முறை ஒன்றுக்கு..இரண்டு முழுப் பக்கங்கள் எழுதியுள்ளேன் ! இந்த இதழுக்கு நான் Surprise ஸ்பெஷல்" எனப் பெயரிட்டதன் முழுக்காரணங்களும் இதில் பார்த்திடப் போகிறீர்கள் ! 

அட்டைப்படத்தினைப் பொறுத்தவரை முதலில் புதிதாய் நாமாக ஒரு டிசைன் செய்திருந்தோம் ; ஆனால் லார்கோவின் கதைகளுக்கு முடிந்த மட்டிற்கு ஒரிஜினல் டிசைன்களையே பின்பற்றிடும்படி படைப்பாளிகள் கருத்துத் தெரிவித்திட, வேறு வழியின்றி அவர்கள் உருவாக்கிய அதே சித்திரத்தை சற்றே வண்ணங்கள் மெருகேற்றி ..பின்னணியில் சில்வர் கலர் சேர்த்து சற்றே improved look கொடுத்திடப் பிரயாசை எடுத்துள்ளோம் ! இது நமது வழக்கமான பாணியிலிருந்து மாறுபட்டுத் தெரியும் ஸ்டைல் என்ற போதிலும் - ஆளை அடிக்கும் சிவப்பு..நீலம் என்ற சங்கதி இல்லாமல் அமைதியானதொரு பாணியாக எனக்குப் பட்டது ! தனுஷ் சொல்லும் வசனம் இதற்கும் பொருந்துமென நினைக்கிறேன்.."இந்த பாணி ஓவியத்தைப் பார்த்தால் புடிக்காது...பார்த்துகிட்டே இருந்தால் தான் புடிக்கும்!"  

அச்சுப் பணிகள் நிறைவு பெற்றுவிட்டன ....இனி பைண்டிங் வேலைகளே ! வரும் சனிக்கிழமை (மே 5 )  கூரியர் மூலம் இதழ்கள் உங்களைத் தேடித் புறப்பட்டிட - எங்களால் முடிந்த முயற்சிகள் அனைத்தையும் எடுத்திடுவோம் ! தமிழக அரசின் சமச்சீர் பாடநூல்களின் பணிகள் சிவகாசியில் பரவலாய் நடந்தேறி வருவதால் பைண்டிங் வேலைகள் எக்கச்சக்கமான நெருக்கடியில் உள்ளது ! அரசு கொடுத்திட்ட முப்பது நாள் காலக்கெடுவிற்குள் புத்தகங்களை முடித்து ஒப்படைக்காவிட்டால் நாள் ஒன்றிற்கு பில் தொகையில் ௦0.5 % தண்டம் விதிக்கப்படும் என்பது அரசின் விதி ; so சிவகாசியில் பல அச்சக அதிபர்களின் தற்காலிக ஜாகை பைண்டிங் செய்து தந்திடும் நிறுவனங்களின் திண்ணைகளிலே தான் ! அந்த திண்ணையில் காத்திருக்கும் பட்டியலில் நாமும் சேர்ந்து கொள்ள போர்வை, தலையணை சகிதம் தயார் ! Hopefully not too long a wait .....for me...for you ! 

காரணம் எதுவாக இருப்பினும் சவாலானதொரு கதைத்தொடரை விரைவாகவே உங்கள் முன் கொண்டு வந்து நிறுத்திடுவதில் எனக்கு மகிழ்ச்சியே ! XIII முழுத் தொகுப்பிற்குப் பின் எனக்கு சிரமமானதொரு பணியாக ஏதும் இருந்திடவில்லை என்பதே நிஜம் ! லார்கோ தொடர்கள் பெண்டு நிமிர்த்திடுவதில் XIII -க்கு கொஞ்சமும் சளைத்தவர் அல்ல என்பது தொடரும் அத்தியாயங்கள் தெளிவாகவே சொல்லுகின்றன ! 

சூப்பர் ஹீரோ சூப்பர் ஸ்பெஷல் பட்டி..டிங்கரிங் பணிகள் முடிவு பெற்று ஜூன் 20 -ல் தயாராகிடும் ! அதனைத் தொடரவிருப்பது நமது "லயன் நியூ லுக் ஸ்பெஷல்" ஜூலை 15 -ல் !! சற்று தொலைவில் இன்னொரு நூறு ரூபாய் இதழாக கேப்டன் டைகரின் "தங்கக் கல்லறை" மறுபதிப்பு வேறு !


ஓவராய் நூறு ரூபாயில் ஸ்பெஷல் இதழ்கள் வந்திடுவதும் ஒ.கே. தானா என்ற சின்னதொரு கேள்வி என் மனதுக்குள் உள்ளது !அதை ஆமோதிக்கும் விதமாய் நம் நண்பர் R .T .முருகன் இரண்டொரு நாட்களுக்கு முன்னே ஒரு கடிதமாய் எழுதியுள்ளார் ! பாக்கெட்டுக்கு சேதாரம் உண்டாக்கிடக் கூடாதென்பது அவரது caution ! இதுவும் நிச்சயம் கவனத்தில் கொண்டிட வேண்டிய சங்கதியே !! What say folks ?
     

  

Friday, 27 April 2012

ஒரு விடையும்..வடையும் !!

அன்பர்களே ;  நண்பர்களே ; ஆண்டு மலருக்கு பெயர் சூட்ட முனைந்த ஆர்வலர்களே ; இரவெல்லாம் கண் முழித்து ஒவ்வொரு காமிக்ஸ் வலைப்பதிவாய் ரசித்து விட்டு பகலில் அலிபாபா குகை போல் வாய் திறந்து கொட்டாவி விடும் கோமான்களே.. !!


நீங்கள் எல்லோருமே ஆர்வமாய் (ஹாவ் ......) எதிர்பார்த்திட்ட வேளை வந்தே விட்டது !! Yes -  வடை தரும் நேரம் இது !!

வடை ஊசிப் போயிடாமல் இருக்க சிவகாசி ஆனந்த பவனில் சொல்லி வைத்திருந்ததால் - அவர்களும் ஐஸ்பெட்டியில் அதைத் தூக்கிப் பத்திரப் படுத்தியுள்ளதாகத் தகவல் ! So - தினமும் 'பொசுக் பொசுக்'கென போயிடும் மின்சாரத்தால் வடை ஊசிப் போயிருக்கக் கூடாதென்ற வேண்டுதலோடும் ; வெற்றி பெற்றிடும் நண்பர் விக்கோ வஜ்ரதந்தி உபயோகித்து வலுவான கடவாய்ப் பற்கள் கொண்டவராய் இருப்பாரென்ற நம்பிக்கையோடும் அடியேன் வடை தந்திடும் படலத்தைத் துவக்குகிறேன் !  



பெரும் சிந்தனை பல செய்து ;தலைப்புகள் பல சூட்டிய அன்புள்ளங்கள் அனைத்துக்கும் முதலில் எனது நன்றிகள்! தினுசு தினுசாய் நிறைய பெயர்கள் suggest செய்யப் பட்டிருந்த போதிலும் நடுவர் குழு (!!!) பெருத்த ஆலோசனைக்குப் பின் கீழ்க்கண்ட தலைப்புகளை shortlist  செய்திட்டது ! 


  • கோடையில் ஒரு கலாட்டா - John Simon
  • லக்கி லயன் ஆண்டு மலர் - Radja
  • லக்கி லயன் ஸ்பெஷல் - Rafiq Raja ; Podiyan ; coimbatoorilirinthu sateel claw
  • லயன் 'நியூ லுக்' ஸ்பெஷல் - Saint Satan
  • லயன் 'Birthday' ஸ்பெஷல் - Saint Satan ; Venkat Denver 

பெயர்கள் பலவற்றை ஐந்தாக சுருக்கிய பின்னே தான் நிஜமான குழப்பம் துவங்கியது ! ஒவ்வொன்றாய் ஆராய்ந்து (!!) அவற்றின் நிறை குறைகளை அலசிட்டால் என்னவென்று தோன்றியது ! 

"லக்கி லயன் ஆண்டுமலர்"  & "லயன் லக்கி ஸ்பெஷல்" - இவ்விரு பெயர்களுமே அழகாய்...பொருத்தமாய் உள்ளன என்பதில் ஐயமே இல்லை ! ஆனால் "I want more emotions boss " என்ற கதை தான் ! இன்னும் கொஞ்சம் expressiveஆக..இன்னும் கொஞ்சம் அழுத்தமாய் இருந்தால் தேவலையே என்ற எண்ணம் தலைதூக்கியது ! So கனத்த இதயத்தோடு மேற்படி இரு பெயர்களையும் விலக்கிட தீர்மானம் நிறைவேற்றப்பட்டது !! 

அடுத்தபடியாக Venkat (டென்வர்) & வடைப் பிரியர் புனித சாத்தான் தேர்வு செய்திருந்த "லயன் Birthday ஸ்பெஷல்" தேர்வுக்கு வந்தது ! ரத்தினச் சுருக்கமாய்...yet மிகப் பொருத்தமாய் தலைப்பு உள்ளதில் மிகுந்த சந்தோஷப்பட்டோம் ! பாதி வடையை அமெரிக்கா வரைக் கொண்டு போக சம்மதமாவென DHL கூரியரில் விசாரிக்க ஆள் அனுப்பிட நினைத்தேன் !அப்போது தான் நண்பர் ஜான் சைமன் அனுப்பிட்ட கடைசிப் பதிவு வந்து சேர்ந்து எங்களை பிரேக் போட வைத்தது ! 

கோடையில் ஒரு கலாட்டா " என்ற பெயர்சூட்டல் சச்சின் டெண்டுல்கரின் புது hairstyle  போல 'நச்' என்று இருப்பதாகப்பட்டது !!  சரி...லேட்டாக வந்தாலும் லேட்டஸ்ட் ஆக உள்ள இந்தப் பெயருக்கே வடை தந்திடலாமென்று முடிவு செய்திட்டு இறுதியாய் ஒரு முறை பட்டியலின் பெயர்களை வாசித்தேன் !! 

"கோடையில் ஒரு கலாட்டா" என்பது அழகாய் இருப்பினும் ஒரு கதையின் பெயர் போலத் தோணுதே என்று எண்ணம் தலை தூக்கியது ! அப்போது தான் புனித சாத்தான் அவர்களின் இன்னுமொரு தேர்வான "லயன் நியூ லுக் ஸ்பெஷல்" பளீரென்று ஒளி விடுவது புலனாயிற்று !! நமது புது அவதாரை விவரிப்பது போலவும்...ரெம்பவே cool & modern ஆகவும் இப்பெயர் உள்ளதென்று மனசுக்குப் பட்டது ! 

Guys...இது நண்பர் புனித சாத்தான் அல்ல !! 
'இது..இது..இதைத் தான் நான் எதிர்பார்த்தேன்' என்று நொடியில் தேர்வுக் குழு இந்தப் பெயரையே தேர்வு செய்து ஒரு மனதாய் முழு வடையினையும் நண்பர் புனித சாத்தான் அவர்களுக்கு வழங்கிடத் தீர்மானித்தது !!  Hoorayyy!! Three Cheers to Saint Satan !!! வெற்றி பெற்றிட்ட நம் நண்பருக்கு கூரியர் மூலம் ஒரு மசால் வடை இன்று அனுப்பி வைக்கப்படும் ! அவர் அந்த வடையை ரசித்து..ருசித்து சாப்பிடும் தருணத்தை காமெராவில் புடித்து அனுப்பினால்..அந்த அற்புதப் புகைப்படத்தை இங்கே வெளியிட நான் தயார் ! 

இப்படியாக வரலாற்றுச் சிறப்புமிக்க இந்த "வடை தரும் படலமும்" நமது ஆண்டுமலருக்குப் பெயர் சூடும் படலமும் இனிதே நிறைவு பெறுகின்றது!!   "லயன் நியூ லுக் ஸ்பெஷல்" - லக்கி லூக்கின் இரு அற்புதக் கதைகளுடன் வண்ணத்தில் ஜூலை 15 -ல் அழகாய் வந்திடும் ! 



"இது கள்ளாட்டை..!!.வடை வாங்க 'சம்திங்' கொடுத்து கரெக்ட் பண்ணிட்டாங்க"-ன்னு விசனப்படும் உள்ளங்களே... மனம் தளர வேண்டாம் ! விரைவிலேயே "பஜ்ஜிக்கு ஒரு போட்டி" நடத்தி உங்களை மெய்சிலிர்க்கச் செய்வேன் என்பது உறுதி !! See you soon everybody !! 




Wednesday, 25 April 2012

இடையே ஒரு தேர்தலும்..இடையே ஒரு தீர்மானமும் !


நண்பர்களே 

கொஞ்சம் பயணம் ; கொஞ்சம் பணிகள் என்று ஒரு வாரத்துக்கு இங்கே தலை காட்ட முடியாது போயிற்று ! Sorry!

புதிய இதழ்(கள்) சுறுசுறுப்பாய் தயாராகி வருகின்றன ! கனவுகளின் காதலர் நமது "சூப்பர் ஹீரோ ஸ்பெஷலுக்கு" ஆதரவு திரட்ட அணி அமைத்து அரும்பாடு பட்டுக் கொண்டிருப்பது கண்கூடாய்த் தெரியும் போது, அவரது வேகத்துக்கு நாமும் ஈடு கொடுத்தாகணுமே :-)

புதுக்கோட்டை இடைத்தேர்தலுக்கு இன்னும் நாட்கள் உள்ள போதிலும் இங்கே நம் வலைப்பதிவில் நடந்தேறி வரும் online poll அமர்க்களமாய் ஓடிக் கொண்டிருப்பதைக் கவனித்தேன் !கள்ள ஓட்டுக்கள்..நல்ல ஓட்டுக்கள்...கடத்தப்பட்ட ஓட்டுக்கள் ...என்று பல விதமாய் நமது online poll க்கு வாக்களித்திருந்தாலும் - எதிர்பார்த்தபடியே கேப்டன் டைகர் கதைகள் தான் தூள் கிளப்பியுள்ளன ! 

கேப்டன் டைகர் கதைகளுக்கு உள்ள எதிர்பார்ப்பும் ; வரவேற்பும் நிஜமாகவே என்னை சிந்திக்கச் செய்தது ! மீண்டும் ஒரு முறை என்னிடமிருந்த டைகரின் வண்ண ஆல்பங்களைப் புரட்டினேன்...! பெரிய சைசில் ; வண்ணத்தில் ; டைகரின் தங்கக் கல்லறை கதையினை படிக்கும் போது எனக்குள்ளே - பதினேழு ஆண்டுகளுக்கு முந்தைய அதே பரபரப்பு ! 1995 -ல் சிங்கப்பூரில் இந்த இதழின் ஆங்கிலப் பதிப்பை வாங்கி - சென்னை திரும்பும் விமானத்தில் அரைத் தூக்கத்தில் படிக்க ஆரம்பித்தது ; படிக்கப் படிக்க தூக்கம் கரைந்தோடிட உற்சாகத்தில் துள்ளியது எல்லாமே நேற்றுப் போல் நினைவில் ஓடிட...இந்தப் பதிவின் துவக்கம் என் மனதில் முளை விட்டது !!

So - நம் மறுபதிப்புப் படலத்தின் திடீர் இடைச்சொருகலாக - நமது முத்து காமிக்ஸில் வெளியாகி நம்மை மெய்மறக்கச் செய்த - "தங்கக் கல்லறை - பாகம் 1 & 2  - வண்ணத்தில் ; உயர்தர ஆர்ட் பேப்பரில் ; பெரிய சைசில் ; ஒரே இதழாக வரவிருக்கின்றது ! இரு கதைகளையும் கொண்ட ஒரே ஆல்பத்தினை ஒரிஜினலின் அற்புதமான அட்டைப்படத்துடனேயே ஆகஸ்ட் நடுவில் நீங்கள் ரசித்திடலாம் ! 

தங்கக் கல்லறை

மறுபதிப்பு ஒருபுறமிருக்க..டைகரின் புதிய கதைகளும் இனி தொடர்ந்து வெளியிட்டிட ஏற்பாடுகளைத் துவக்கி விட்டேன் ! So அந்தரத்தில் தொங்கிக் கொண்டிருக்கும் டைகர் கதைகளின் தொடர்ச்சிகள் சீக்கிரமே வெளிச்சத்தைப் பார்த்திடும் !



இவை தவிர புதிதாய் கொஞ்சம் கதைத் தொடர்களைப் பின்பற்றிடவும் முயற்சித்து வருகின்றேன் ...முயற்சிகள்  முழுமை அடையும் போது அறிவிப்பு வந்திடுவது முதலில் இங்கேயாகத் தானிருக்கும் !

அப்புறம் இன்னொரு விஷயமும் கூட...! வெகு விரைவிலேயே உங்களுக்கு ஒரு Surprise காத்துள்ளது ! அது என்னவென்ற யூகங்கள் உங்களில் ஓடிக் கொண்டிருக்கும் சமயமே நான் நடையைக் கட்டுகிறேன் - IPL மேட்ச் பார்த்திட !

அந்த Surprise தான் எனது அடுத்த பதிவாக இருந்திடும் !Take care guys !! See you around soon !


Monday, 16 April 2012

நினைவோ ஒரு பறவை !


நண்பர்களே,

இது நிச்சயம் 'சிகப்பு ரோஜாக்களின்' சூப்பர்ஹிட் பாடலின் முணுமுணுப்பு அல்ல...ஒரு நிஜப் பறவையின் பெயரைக் கொண்டதொரு முந்தைய இதழின் நினைவு கூரும் படலமே !

கால் நூற்றாண்டுக்கு முன்னே நமது மினி லயனில் வந்திட்ட "ஒரு கள்ளப் பருந்தின் கதை"  உங்களில் எவ்வளவு பேருக்கு நினைவில் நின்றிட்டதோ நானறியேன் ...ஆனால் எனக்கு நிறைய திருப்தி அளித்த  இந்த இதழ் இன்னமும் என் நினைவில் நிழலாடுகின்றது !

இதழ் எண் 10
 இந்த இதழின் ஆரம்பப் பக்கமே freehand drawing-ல் மிகத் திறமைசாலியான நமது ஓவியர் ஒருவர் வரைந்திட்ட காமிக்ஸ் விளம்பரம் !! Batman-ஐ கொண்டு நமது லயன் ; திகில் & மினிலயன் காமிக்ஸ்களுக்கு சந்தா விளம்பரம் தயாரித்து இருந்தோம் ! அன்றைக்கு மூன்று இதழ்களின் மொத்த சந்தாத் தொகையே ரூபாய் 75 தான் !! பாருங்களேன் அந்த விளம்பரத்தை :


இதழின் முதல் கதை & என்னைப் பொறுத்த வரை பிரதானமான கதை சார்லியினதே !! இதனை சார்லியின் கதை என்று சொல்லிடுவதை விட  அவரது நண்பர் ஸ்வீனியின் கதை என்று சொல்வது தான் பொருத்தம் !
ஓசையின்றி தெளிவாய் ஓடும் நீரோடை போலான இந்தக் கதை இரு வண்ணத்தில் வந்திருந்தது ! தொடர்ந்து விச்சு & கிச்சு ; இயற்கையின் பாதையில் எனும் ஒரு பக்க பொது அறிவு சித்திரத் துணுக்கு ; குண்டன் பில்லியின்  நான்கு பக்க சிரிப்புத் தோரணம் ; வால்ட் டிஸ்னியின் ஸ்கேம்ப் நாய்க் குட்டியின் 2  பக்கக் கார்டூன் ; ரிப்லியின் "நம்பினால் நம்புங்கள்" ஒரு பக்கம் ; நானே வடிவமைத்ததொரு குறுக்கெழுத்துப் போட்டி என்று நிறைய filler pages !!



இவற்றைத் தொடர்ந்து "துப்பறியும் ஜூனியர்" என்றதொரு சமர்த்து சிறுவனின் ஆறு பக்க crime whodunit சிறுகதை ! "வைர நெக்லஸ்" என்ற தலைப்பில் கதாசிரியர் பெயர் ஏதுமின்றி வெளியாகி இருந்த இக்கதையை எழுதியது அடியேனே !  பெயர் போட்டிட மறந்து போகவில்லை...மாறாக மனம் ஒப்பவில்லை என்பதே நிஜம் !  எனது இளவயதில் Encyclopedia Brown என்ற பெயரில் ஒரு கெட்டிக்கார சிறுவன் அவனைச் சுற்றி நடந்தேறும் சின்னச்சின்ன குற்றங்களின் முடிச்சவிழ்க்கும் விதமாய் சுவாரஸ்யமான சிறுகதைகள் அடங்கிய ஐந்தாறு புக்குகள் படித்திருந்தேன் ! அவற்றில் ஒன்றை உல்டா அடித்து உருவானது தான் இந்த வைர நெக்லஸ் சிறுகதை ! "சுட்ட" கதை என்பதால் அதற்க்கு கிரெடிட் ஏற்றுக் கொள்ள கூச்சமாய் இருந்தது !  So  எழுதியவரின் பெயரின்றி இக்கதை உலா வந்ததன் பின்னணி இது தான் !


இதனைத் தொடர்ந்து அப்போதைய பரபரப்பான ஹீரோக்களான இரட்டை வேட்டையரின் " ஆழ்கடல் சதி " என்ற action thriller ; "தெரிந்தவரைப் பற்றித் தெரியாதவை" என்ற பெயரில் அப்போதைய ஹாலிவுட் பிரபலமான சில்விஸ்டர் ஸ்டாலோன் பற்றியதொரு feature article ;  "பரட்டைத்தலை ராஜா"-வின் இரு பக்கக் கார்டூன் ;  "ஒற்றைக் கண் ஜாக் " எனும் ஒரு fleetway  நிறுவனப் படைப்பு என்று எக்கச்சக்கமான variety காட்டிய இதழ் இது !

"பளிச்" ரகத்தில் ஒரு சூப்பர் ஸ்டார் இந்த இதழில் கிடையாதென்ற போதிலும் மிக நிறைவாக விற்பனையும் ; விமர்சனங்களும் ஈட்டிய பெருமைசாலி இந்த இதழ் ! இந்த இதழின் அட்டைப்படத்திற்கும் உள்ளே இருந்திட்ட கதைகளுக்கும் எந்த சம்பந்தமும் இருந்திடாது...! இங்கேயும் Fleetway நிறுவனத்தின் பங்களிப்பே !! அவர்களது LION Annual ஒன்றின் அட்டைப்பட டிசைனை எங்களது ஓவியரைக் கொண்டு வரைந்து தயார் செய்திருந்தோம் ! கணினிகள் இல்லாக் காலம் என்பதால் இந்த கிராபிக்ஸ் உட்டாலக்கடி வித்தை செய்திட அன்றைக்கு வழி கிடையாது !

எனக்குப்  பிடித்த இதழ்களில் இதுவும் ஒன்று ! உங்களில் எத்தனை பேரிடம் இந்த இதழும் ; அதனைப்  படித்திட்ட அனுபவமும் உள்ளதென்று அறிய ஆவல் ! Take care people !

Saturday, 14 April 2012

சிங்கத்தின் சிறுவயதில் - 19 !


நண்பர்களே,

இன்றையப் புதுப் பதிவு - சிங்கத்தின் சிறுவயதில்-பாகம் 19 !

முடிந்தளவு உங்கள் குரல்வளைக்கு சேதம் நேர்ந்திடக் கூடாது என்ற நினைவு கொண்டே எழுதி இருக்கிறேன்! எனினும் உஷார் !  



Friday, 13 April 2012

ஜாலியாய் ஒரு சேதி !


நண்பர்களே,

நிறையவே ஆக்க்ஷன் காட்சிகளைப் பார்த்தாகிவிட்டோம் சமீப நாட்களில்..!  So ஒரு மாறுதலுக்கு / ஆறுதலுக்கு  காமெடி நோக்கி நமது பார்வைகளைக் கொஞ்சம் திருப்பிட்டால் என்னவென்று தோன்றியது ! அத்தோடு மட்டுமல்லாது இங்கே என்னால் உணர முடிகின்ற ஒரு அதீத எனர்ஜியினை .....ஆற்றலினை சின்னதாய் நம் எல்லோருக்கும் பிரயோஜனமாய் ; சந்தோஷமாய்ப் பயன்படுத்திடுவோமே என்றும் நினைத்தேன் ! 'பில்டப்' போதுமென்றால் இனி நேராய் விஷயத்துக்கு வருகின்றேன் !

தொடரும் மே & ஜூன் மாதங்களில் சூப்பர் ஹீரோ சூப்பர் ஸ்பெஷல் (கனவுகளின் காதலர் 'நற நற' வெனப் பற்களைக் கடிக்கும் சத்தம் கேட்குது!) ; லார்கோ வின்ச் கதைகள் & திகில் மறுபதிப்பு என காலெண்டர் புல்லாக உள்ளது. மின்வெட்டு நிலவரம் சற்றே தேவலாம் எனும் பட்சத்தில் பத்து ரூபாய் விலையிலான ரிப்போர்ட்டர் ஜானியின் "மரணத்தின் நிசப்தம்"  சைக்கிள் கேப்பில் புகுந்திடும் !

அடுத்து என்னவென்று எண்ணங்களை ஓட விட்ட போது ஜூலையும் சரி ..நமது லயனின் பிறந்தநாளும் சரி நினைவுக்கு வந்து நின்றன !எக்கச்சக்க இடைவெளிக்குப் பின்னே ஒரு திருப்தியான ஆண்டுமலர் வெளியிடுவது பற்றி சிந்தித்துக் கொண்டிருந்தேன் ! (நண்பர் அருண் பிரசாத் கூட இது பற்றி சமீபத்தில் பதிவிட்டிருந்ததும் நினைவுள்ளது!


ஒரு நீண்ட இடைவெளியினைத் தகர்த்திட நம் காமெடி கௌபாயை விடப் பொருத்தமான நபர் வேறு யார் இருந்திட முடியும் ? So வரும் ஜூலை 15 -ல் இரண்டு அட்டகாசமான முழு வண்ணக் கதைகளோடு லக்கி லுக் ; ஜாலி ஜம்பர் & டால்டன் கோஷ்டி உங்களை சந்திப்பார்கள் - நமது 28 -வது ஆண்டுமலரில்

பனியில் ஒரு கண்ணாமூச்சி


"பனியில் ஒரு கண்ணாமூச்சி" - கதை நம்பர் 1 ! அமெரிக்க எல்லையைத் தாண்டித் தப்பித்து கனடாவுக்குள் புகுந்திடும் இந்தத் திருட்டு சகோதரர்களை லக்கி லூக்கும் ; ஜாலி ஜம்பரும் (நாலு கால் ஜம்பரே!!) மீட்டுக் கொண்டு வரும் அட்டகாசக் காமெடித் தோரணம் இது ! முழு வண்ணத்தில்...ஆர்ட் பேப்பரில் ! 

கதை நம்பர் 2 : "ஒரு வானவில்லைத் தேடி..!"  The Wagon Train என்ற பெயரில் வந்திட்ட இந்தக் கதை ஒரு ஆரம்ப கால லக்கி சாகசம் ! புதியதொரு வாழ்க்கையை ; வசந்தத்தைத் தேடி அமெரிக்காவின் கிழக்கிலிருந்து மேற்கு நோக்கிப் பயணிக்கும் ஒரு கூடார வண்டி ஜனத்தின் அட்டகாசமான கதைக் களம் ; அழகான சிரிப்புத் தோரணம் என்று இது ஒரு surefire hit ! 

ஒரு வானவில்லைத் தேடி..!
இந்த இரு கதைகள் தவிர குண்டன் பில்லி கதைகள் ; நிறைய கொசுறுகள் என்று ஒரு அழகான ஆண்டுமலராய் ரூபாய் 100 விலையில் மிளிர்ந்திடும் !

அடிக்கடி ரூபாய் 100 விலையிலான இதழ்களை வெளியிடுவது ஓ.கே. தானா என்ற கலக்கம் என்னுள் இல்லாது இல்லை ! 'செலவழிக்கத் தயாரான வாசகர்கள் சிக்கிட்டாங்க..பர்சுக்கு வெடி வைக்கிறான் டோய்' என்று மட்டும் நினைத்திட வேண்டாமே ப்ளீஸ் ? தரமான இதழ்களை எங்கேயும் compromise செய்திடாமல் வெளியிடும் எனது வேட்கைக்கும்;படித்திடும் உங்கள் ஆர்வத்துக்குமான ஒரு சின்ன விலை இது !

இந்த இதழுக்கு வழக்கம் போல் "லயன் ஆண்டு மலர்" என்று பெயரிட்டு விடலாம் ! ஆனால் இன்னும் சற்றே creative-ஆக ஒரு பெயரை வைத்திட உங்களின் கற்பனைக் குதிரைகளை..உங்களின் பாசிடிவ் எனர்ஜியை உலாவ விடலாமே என்று நினைத்தேன் ! So இந்த இதழுக்குப் பெயர் சூட்டப் போவது உங்களில் ஒருவரே...! Think of something cool guys !! 

நிச்சயம் பலரும் ஒரே பெயரினை suggest செய்திட வாய்ப்புள்ளது என்பது தெரிந்ததே ! ஆனால் இது ஒரு ஜாலியான போட்டி மட்டுமே என்பதால் - ஒரே சூப்பர் பெயரினை நிறையப் பேர் எழுதிடும் பட்சத்தில் அனைவருக்கும் வடை பகிர்ந்தளிக்கப்படும் ! Take Care folks...நாளை சந்திப்பேன்..இன்னுமொரு புதுப் பதிவோடு !!

Sunday, 8 April 2012

நெஞ்சிலிருந்து நேராய் !


நண்பர்களே,

வாழ்க்கையின் ஒவ்வொரு நாளும் ஒரு அனுபவமே என்பதில் நான் திட நம்பிக்கை கொண்டவன்...! 

இத்தனை காலம் கழித்து ஒரு வலைப்பதிவு துவக்கி..அதன் சந்தோஷமான தருணங்களை ரசித்திட சந்தர்ப்பம் கிடைத்திட்ட எனக்கு ; கடந்த ஓரிரு தினங்களாய் இங்கே நடந்தேறி வரும் மறக்கத்தக்க சமாச்சாரங்கள் - அதன் கறுமையான பக்கங்களையும் பார்த்திட ஒரு வாய்ப்புத் தந்துள்ளது ! 

எங்கே ஆரம்பித்தது...யாரால் ஆரம்பித்தது...எதற்காக ஆரம்பித்தது இந்த சச்சரவு என்ற ஆராய்ச்சிகளெல்லாம் எனக்கு இங்கே அவசியமாகப்படவில்லை. For the simple reason that I still think we are all one big family !

ஈகோ எனும் பயனில்லா பிரகஸ்பதி நம்மிடையே ஊடுறுவி ; அசிங்கமான பல செயல்பாடுகளுக்குக் காரணமாகி உள்ளான் என்பது மட்டும் பட்டவர்த்தனமாகத் தெரிகின்றது ! காமிக்ஸ் களத்தில் நான் பெரியவனா ? ....நீ பெரியவனா ?...எனது காமிக்ஸ் ஞானம் உன்னதை விட சிறப்பானதா..? யாருக்கு யார் நெருக்கம் ? என்ற யூகங்கள்..கற்பனைகள்..அரையணாவிற்குப்  பிரயோஜனமில்லா விரோதங்களுக்கே வழி வகுத்துள்ளது ! 

Guys..எனக்கு ஒரு விஷயம் சிறிதும் புரியவில்லையே.. ? நாம் ஒண்ணும் ஊழலை ஒழித்திட யுத்தம் செய்திடும் புரட்சியாளர்களோ ; உலகிற்கு விடிவு கால சேதியினை அறிவிக்கும் தூதர்களோ அல்லவே !! காமிக்ஸ் எனும் ஒரு அழகான பொழுது போக்குக் கலையை ஆராதிக்கும் அடிமைகள் தானே நாம் எல்லாம் ?! இதில் நம்மிடையே இத்தனை வன்மம் வளர்த்துக் கொண்டிடத் தேவை தான் என்ன ?  

நம் இதழ்கள் வந்து கொண்டிருக்கும் போதும் சரி....நின்றிருந்த போதும் சரி.. என்னைப் பற்றி எழுந்திடும் பாராட்டுக்களோ ; பரிகாசங்களோ என்னை ஒரு போதும் பாதித்தது இல்லை ! ஏனெனில் நான் செய்து வருவது ஒரு glorified postman's job என்பதை ஒருக்கணமும் நான் மறந்திட்டதில்லை ! எங்கோ இருக்கும் சில திறமைசாலிகளின் கற்பனைகளில் உருவான படைப்புகளை புதியதொரு வடிவத்தில் உங்களிடம் கொண்டு வந்து சேர்ப்பது மட்டும் தானே எனது contribution ! So பாராட்டுக்கள் என் தலைக்கு சென்றிட அனுமதித்திடாமல் இருப்பது எத்தனை சுலபமோ ; அத்தனை சுலபமே பரிகாசங்களை உதறித் தள்ளிடுவதும் ! 

எந்த ஒரு வேலை நாளின் போதும் எங்களது அலுவலகத்திற்கு வந்திடவோ ; நான் ஊரில் இருக்கும் பட்சத்தில் என்னை சந்தித்திடவோ உங்களில் யாருக்கும் தடைகள் என்றைக்குமே கிடையாதே ! பிரச்னைகளை...நிஜமான ஆதங்கங்களை என்னிடம் தெரிவிக்க நினைத்தால் செவி கொடுக்க நான் தயாரே ! தொலைபேசியில் அவ்வப்போது என்னை எட்டிப்பிடித்திட முயற்சிக்கும் நண்பர்களுக்குப் பெரும்பாலும் வெற்றி கிட்டிடுவதில்லை - simply because my job demands a lot of travel ! நான் ஏற்கனவே எழுதி இருந்தது போல - அச்சு இயந்திரங்களை இறக்குமதி செய்து...முழுமையாகப் புதுப்பித்து ; பின்னர் விற்பனை செய்திடுவதே நமது பிரதான தொழில். மிஷின்களைப் பார்வையிடும் பொருட்டு உலகெங்கும் பயணிப்பதும் ; பின்னர் அவற்றை விற்பனை செய்திட உள்நாட்டுக்குள் அலைந்திடுவதும் அவசியங்கள். So பெரும்பான்மையான சமயங்களில் ஆபிசில் நான் இருந்திடுவதில்லை என்பதால் உங்களின் தொலைபேசி அழைப்புகளுக்கு கவனம் செலுத்த இயலாது போகின்றது ! என்றைக்குமே நான் என்னை அவ்ளோ பெரிய 'அப்பாடக்கரா' நினைத்துக் கொண்டு ஒதுங்கி இருப்பதெல்லாம் இல்லை !  ! 

விஷ்வா ; ரகு ; டாக்டர் சதீஷ் ; சிங்கபூர் தயாளன் ; பிரகாஷ் மற்றும் சில வாசக நண்பர்கள் இவ்வருட சென்னைப் புத்தகக் கண்காட்சியில் நமது ஸ்டாலில் - நமது விற்பனைக்கு உதவிடும் நோக்கில் தத்தம் சொந்தப் பணிகளை விட்டுவிட்டு ஏராளமான உதவிகளை செய்திட்டனர் !  அதை நம் வாசகர்களின் ஆர்வமாய் நான் பார்த்திட்டேன் ......அதனையே அவர்களது ஆக்ரமிப்பாய் பார்த்திடவும் இயலும் என்பது இங்கே வந்து விழுந்திடும் சில பதிவுகள் சொல்லுகின்றன ! விஜயனோ...லயன் காமிக்ஸோ ...நிச்சயம் அத்தனை பெரிய brands அல்லவே...என்னோடு சேர்ந்திருப்பதால் அவர்கள் பெருமை தேடிக் கொள்ள நினைக்கிறார்கள் என்ற குற்றச் சாட்டு மெய்யாவதற்கு !! அந்த உதவிகளை உங்களில் யார் செய்திட முன்வந்தாலும் மலர்ந்த முகத்தோடு நாங்கள் வரவேற்போம் என்பதே நிஜம் ! அதே சமயம் மாறுபட்ட பார்வையில் சிலர் பார்த்திடுகிறார்கள் என்ற காரணத்துக்காக அன்பான வாசகர்களிடமிருந்து ஒதுங்கி நிற்பதும் தேவை அல்லவே !


CD  வடிவில் காமிக்ஸ்ளை யார் வாங்கி இருந்தாலும், அது பற்றிய முழு விபரங்களையும், ஆதாரங்களோடு எனக்குக் கொடுத்திட்டால் அதனை நிச்சயம் பரிசீலிப்பேன் ! வெறும் குற்றச்சாட்டுக்கள் சேற்றை வாரி தூற்றுவதற்குச் சமானமே ; அதில் எனக்கு எப்போதும் உடன்பாடு கிடையாது ! 

அப்புறம் ஒருவரது மதத்தைக் குறிப்பிட்டு பதிவு செய்வது மன்னிக்க முடியா..தரமற்ற செயல் ! அந்தப் பதிவை நான் விலக்கி விட்டதோடு - அந்த செயலுக்கு எனது மன்னிப்புகளை சமர்ப்பிக்கிறேன் ! இப்போது முதல் பெயரில்லா ; ஈ-மெயில் முகவரி இல்லா பதிவுகள் செய்திட இயலாது ! அதே போல் தரமற்ற பதிவுகள் வரும் பட்சத்தில் அவற்றை நான் அவ்வப்போது காலி பண்ணுவதாக உள்ளேன் ! 'ஜால்ரா மட்டும் தான் இங்கே அடிக்கணுமா?' என்று யாரேனும் நண்பர்கள் கேள்வி எழுப்பினால் - அதற்கான பதிலை நான் சொல்லிடத் தேவை இருக்கப் போவதில்லை- கேள்வி கேட்கும் நண்பர்களுக்கே பதிலும் நிச்சயம் தெரியும் என்ற காரணத்தினால் ! விமர்சனங்களையோ ; ஆக்கபூர்வமான சிந்தனைகளையோ கண்டு ஒதுங்கிடும் ஆசாமி அடியேன் அல்ல என்பது தெரிந்த ரகசியமே !  

Last but not the least -  அழகாய்...தரமாய் சென்று கொண்டிருக்கும் நமது இதழ்களின் புதிய பாதையும் சரி...இந்த வலைப் பதிவின் பயணமும் சரி....இது போன்ற சலசலப்புகளின் பொருட்டு நிச்சயம் சுணங்கிடவோ..தடைப்பட்டிடவோ செய்யாது ! எனது பணியும் சரி..பாணியும் சரி....ரொம்பவே diplomacyக்கு அவசியம் ஏற்படுத்திடும் சங்கதிகள் ! எல்லோரது ஈடுபாடும் அவசியமென்று எண்ணுவதால் உங்களின் கருத்துக்களுக்கு நிறையவே செவி சாய்ப்பேன்..! ஆனால் ஒரு முடிவு எடுத்திடும் போது அது நிச்சயம் அனைவரது அபிமானத்தையும் எனக்கு ஈட்டித் தந்திடுமென்று நான் நினைப்பதே இல்லை ! "திமிர் புடிச்சவன்..இஷ்டத்துக்கு முடிவெடுக்கிறான் பார் " என்று நினைக்கும் நண்பர்கள் நிச்சயம் இருக்கத் தான் செய்வார்கள் என்பது நான் அறிந்ததே !!! சமீபத்திய ரிப் கிர்பி & காரிகன் ஒய்வு பற்றி நான் செய்த அறிவிப்புக்கு வந்திட்ட mixed reactions அதற்கொரு சான்று ! ஆலோசனைகள் கேட்கிறேன் என்பதால் நான் மனதளவிலோ ; சிந்தனைகளிலோ பலவீனமானவன் என்ற கணிப்பு இருந்திடும் பட்சத்தில் அதனை துவம்சம் செய்திட ஒரு வாய்ப்பாகவே இந்தத் தருணத்தை நான் பார்க்கிறேன் ! 

நம் பயணம் தொடரும் நண்பர்களே...எப்போதும் போல்..உற்சாகமாய்..! ஆண்டவன் அருளும் ; உங்கள் அண்மையும் இருந்திடும் வரை வானமே நமக்கு எல்லை !  கடமையைச் செய்வோம் ; பலன்களை ஆண்டவன் தந்திடுவான் !! Take Care Folks ! 


Friday, 6 April 2012

சென்று வாருங்கள் நண்பர்களே !


நண்பர்களே ,

சித்திரக் கதை உலகின் இரு அசாத்திய ஓவியத் திறமைகள் இம்மாத லயன் காமிக்ஸில் அரங்கேறுகின்றன ! 

Yes - "எமனின் தூதன் டாக்டர் 7 ' தயாராகி விட்டது.

கூரியரில் பிரதிகளைப் பெற்றிடும் நண்பர்களுக்கு இன்று முதலும் ; தபாலில் பெற்றிடும் நண்பர்களுக்கு Good Friday விடுமுறை முடிந்த பின், சனிக்கிழமை முதலும் அனுப்பிடவிருக்கிறோம்.இங்கே சிவகாசியில் வரும் திங்கள் & செவ்வாய் கிழமைகள் கோவில் திருவிழாவை முன்னிட்டு முழு விடுமுறைகள் என்பதால், அவ்விரு நாட்களும் நமது அலுவலகமும் மூடப்பட்டிருக்கும். So உங்களின் தொலைபேசி அழைப்புகளுக்கு அவ்விரு நாட்களும் பதில் தந்திட இயலாது !

காரிகன்


இதழின் highlight மிரளச் செய்யும் சித்திர நேர்த்தியே ! ஏஜெண்ட் காரிகனின் 40 பக்க சாகசமும், ரிப் கிர்பியின் 46 பக்கக் கதையும் இந்த இதழின் இரு படைப்புகள் ! இரண்டுமே '60 களின் இறுதியிலும் ; '70 களின் துவக்கத்திலும் அமெரிக்க newspaperகளில் தொடர்களாக வந்து..பின்னர் ஒன்றிணைக்கப்பட்டு முழுநீளச் சித்திரக் கதைகளாக வெளி வந்தவை ! 

ரிப் கிர்பி


இன்றைய தேர்ந்த நம் ரசனைகளுக்கு இந்தப் புராதனக் கதைகள் எத்தனை தூரம் திருப்தியினைத் தந்திடுமோ நானறியேன் ....ஆனால் சித்திரத் தரத்திற்கு மதிமயங்கிடாது இருப்பது மிக மிகக் கஷ்டமே !! அப்புறம் இன்னொரு விஷயம்...காரிகனும்,அவரது பரம வைரியுமான டாக்டர் 7 முதன் முதலில் சந்தித்துக் கொள்வது இந்தக் கதையிலே தான் ! So அவர்கள் முதன்முறை சந்தித்துக் கொள்ளும் போது நேசமாகப் பேசிக் கொள்ளுவதைப் பார்த்து மண்டை காய்ந்து போய்விட வேண்டாமே ! 

கதைகள் தவிர, (வழக்கமான) எனது ஹாட்லைன் ஒன்றரைப் பக்கத்திற்கும் , வரவிருக்கும் வெளியீடுகள் பற்றிய விளம்பரங்களும்..மறுபதிப்புப் பற்றிய அறிவிப்பும் இந்த இதழில் இடம் பெறுகின்றன !

இன்னமும் இந்தப் பத்து ரூபாய் விலையிலான இதழ்கள் நான்கே நான்கு மட்டும் வெளி வர பாக்கி உள்ளன ! அந்த நான்கும் ஒரு வழியாக வந்து விட்ட பின்னே...இநத கறுப்பு ; வெள்ளை formatக்கும் சரி...நமது புராதன நாயகர்களுக்கும் சரி..ஒரு பெரிய விடுமுறை ! So கொஞ்ச காலத்திற்காவது நமது இதழ்களில் நீங்கள் பார்த்திடப் போகும் கடைசி காரிகன் & ரிப் கிர்பி சாகசங்கள் இவை தான் !


ரிப் கிர்பி ஆர்ப்பாட்டமில்லா நாயகர் என்ற போதிலும்..அவரது அற்புத சாகசங்கள் என் நினைவில் என்றுமே நின்றிடும் ! முத்து காமிக்ஸில் வந்திட்ட "ரோஜா மாளிகை ரகசியம்".."புதையல் வேட்டை" எனது evergreen  favorites !

ஸ்கேன் : Muthufan -க்கு நன்றி ! 

அதே போல் காரிகனின் சாகசங்களில் பொறி பறக்கும் "வைரஸ் X" ; மடாலய மர்மம்" "பனித்தீவின் தேவதைகள்".."லயனில் வந்திட்ட "ஒரு பனிமலைப் பயங்கரம் " ; "சிலந்திவலையில் காரிகன்" போன்றவை 'பளிச்' ரகம் !  இவர்களின் ஏராளமான கதைகளில் உங்களின் favorites பற்றி எழுதிடலாமே ?

எத்தனையோ நாட்கள் நம்மை மகிழ்வித்திருக்கும் இநத ஜோடிக்கு ஒரு  அழகான வழியனுப்பு தந்திடுவது நம் கடமை தானே !!  Let's give them a fond farewell guys !! சென்று வாருங்கள் துப்பறியும் நண்பர்களே !






Sunday, 1 April 2012

இது "லார்கோ காலம்" !!


நண்பர்களே,

நெடுந்தொலைவு ஓட்டப் பந்தயங்களில் - முன்னணி வீரர்களை இன்னும் அதிகமாய் சாதிக்கச் செய்வதற்கென்றே pace setters உண்டு ! மூச்சு விடும் தூரத்தில் தொடர்ந்திடும் அவர்கள் இருக்கும் வரை, முன்னே ஓடும் ஆசாமி லேசாகக் கூட வேகத்தைக் குறைத்திட முடியாது ! உங்களின் புயல் வேகத்துக்கு ஈடு கொடுக்க நானும் இயன்ற வரைக்கும் 'தம்' புடிக்கும் முயற்சியின் லேட்டஸ்ட் பலன் இதோ !! 


"இதோ வர்றார்..அதோ வர்றார்' என்று நான் உதார் விட்டுக் கொண்டே இருந்த லார்கோ வின்ச் - தனது முதல் ஆட்டத்தை June 1-ல் துவக்குகிறார் ! 



முத்து காமிக்ஸில்..முழு வண்ணத்தில்..பெரிய சைசில் ..அயல்நாட்டு ஆர்ட் பேப்பரில்..லார்கோவின் முதல் சாகசம் ரூபாய் 50 விலையில் வரவிருக்கிறது.

ஆங்கிலத்திலும், பிரெஞ்சிலும் லார்கோவை ஏற்கனவே படித்துள்ள நண்பர்களுக்கு அல்லாது நமது இதர நண்பர்களுக்காக இங்கே ஒரு சின்ன intro படலம் !



"உலகத் தொலைக் காட்சிகளில் முதன்முறையாக " என்று நிரம்பவே பில்டப்களுக்குப் பரிச்சயமாகிட்ட ஜீவன்கள் நாமெல்லாம் - இன்றைய வியாபார உலகினில் ! So ஒவ்வொரு புது சங்கதி அறிமுகமாகும் போதும் (அது சோப்பாக இருந்தாலும் சரி ; சீப்பாக இருந்தாலும் சரி) "ஆஹா..ஓஹோ " என்று அதன் க்ரியாக்கள் வர்ணிப்பதைப் பார்த்துப் பழகிப் போச்சு நமக்கு ! ஆனால் - எல்லா சமயங்களிலும் எல்லா அறிமுகங்களுக்கும் அந்த பில்டப் ; அந்த விளம்பரம் அவசியப்படுவதில்லை !  லார்கோ வின்ச் கூட அந்த ரகத்தைச் சேர்ந்தவர் தான் என்பது என் எண்ணம் ! 

லார்கோ ஒரு வித்தியாசமான ஆசாமி ! வழக்கமாய் நாம் சந்தித்திடும் "நல்லவர்..வல்லவர்..அப்பழுக்கற்றவர்.." ரகக் காமிக்ஸ் நாயகரே அல்ல இவர்.  XIII -ஐப் போல பழிவாங்கப் பட்டதொரு பரிதாப ஜீவனோ ; ஸ்பைடர் போல ஒரு anti -hero வும் கிடையாது. இளமை ; ஆண்மை ; சமயோசிதம் ; ஆற்றல் ஒருங்கே கலவையானதொரு playboy தான் லார்கோ ! விவரிக்க இயலா இவரது வசீகரம் பெண்களைக் கவர்ந்திழுக்கும் ஒரு காந்தம் ! பெண்களின் அண்மையைத் துறக்கும் கூச்ச சுபாவ ஆசாமியும் அல்லர் லார்கோ !  உலகெங்கும் உருண்டோடி வரும் லார்கோ எனும் இந்த நாடோடியின் சாகசங்கள் எல்லாமே electrifying ரகம் !



நாம் ஏகப்பட்ட காமிக்ஸ் நாயகர்களை சந்தித்து ; ரசித்து ; சிலாகித்துள்ளோம் தான் - ஆனால் ...1984 -ல் ஸ்பைடரை அறிமுகப்படுத்திய போது எனக்குள் எழுந்ததொரு excitement ; 1986 -ல் XIII ன் இரத்தப் படலம் கதைகளை படித்திட்ட போது எழுந்த விவரிக்க இயலா மெல்லிய உணர்ச்சிகள் ; 1996 -ல் கேப்டன் டைகரை கொண்டு வந்திட்ட பொது ஏற்பட்ட உற்சாகம் - எல்லாமே இம்முறையும் என்னுள் ! லார்கோ நிச்சயம் 'பத்தோடு பதினொன்று' ரகமல்ல !

18 கதைகள் வெளிவந்துள்ள லார்கோ தொடர் 1990 -ல் ஐரோப்பாவில் துவங்கியது. 'அப்போதே அவரை அறிமுகப்படுத்திடாமல் கிட்டத்தட்ட கால் நூற்றாண்டுக்குத் தாமதிக்க அவசியமென்ன ?' என்று தோன்றிடலாம் ! நமது ரசனைகளிலும் சரி ; வயதுகளிலும் சரி ; தயாரிப்புத் தரத்திலும் சரி, லார்கோவை ரசிக்கும் பக்குவம் இன்று வந்திட்டதான நம்பிக்கை என்னுள் , முழுமையாக ! So - லேட்டாக வந்தாலும் லேட்டஸ்டாக வருவார் லார்கோ !

முதல் இதழினைத் தொடர்ந்து 15 நாள் இடைவெளியில் லார்கோ - அத்தியாயம் 2 -ம் வந்திடும் என்பது கொசுறு சேதி ! இன்னொரு விஷயமும் கூட இங்கே நான் குறிப்பிட்டாக வேண்டும் ! சென்ற மாதம் "புயலாய் ஒரு அறிமுகம்" என்ற தலைப்பில் லார்கோவின் வருகை பற்றியும்..முதல் இரு இதழ்களின் தலைப்புகளையும் அறிவித்து எழுதி இருந்தேன் ! 

June 15 !
"வேங்கையாய் ஒரு வாரிசு" & "செல்வத்தின் நிறம் சிவப்பு" என்று பெயர் வைத்திருந்தேன் ! நண்பர் கார்திக் - இதழ்களின் பெயர்களிலும் கொஞ்சம் புதுமை கொண்டு வந்திடலாமே என்று இங்கே நமது வலைப்பக்கத்தில் கருத்துத் தெரிவித்திருந்தார் ! (மார்ச் 6) 

நான் அப்போது பதில் ஏதும் பதிவு செய்திடவில்லை என்ற போதிலும் நண்பரது சிந்தனை என் தலைக்குள் ஓடிக் கொண்டே தான் இருந்தது ! லார்கோவின் கதைகள் ஒரு வழியாக உறுதிப்படுத்தப்பட்ட இந்த வேளையில் - சற்றே வித்தியாசமான தலைப்புகளோடு களம் இறக்கிடுவோமே என்று தோன்றியது.

So இதழ் # 1 : "என் பெயர் லார்கோ"  என்ற தலைப்போடும் ; இதழ் # 2 : "யாதும் ஊரே..யாவரும் எதிரிகள் !" என்ற பெயரோடு வந்திடும் ! Thanks for the thought karthik!  

கதையில் ; பாணியில் ; தலைப்பில் மட்டும் அல்லது மொழி நடையிலும் லார்கோ கதாப்பாத்திரத்தின் ஒரிஜினல் தன்மை மாறிடக் கூடாது என்பதில் முடிந்தளவு கவனம் செலுத்தியுள்ளேன் ; நமது எல்லைகளையும் மதித்தாக வேண்டியது அவசியம் என்ற ஜாக்கிரதையோடு ! ஒரு சவாலான பணியாகவே இந்த மொழிமாற்றம் இருக்கிறது !இதழைப் படித்து உங்களது விமர்சனங்கள் வந்திடும் போதே புலனாகும்..அடியேனின் முயற்சி எத்தனை தூரத்துக்கு வெற்றி என்று ! Fingers crossed !

இனி புலரவிருப்பது கோடை காலமோ..இலையுதிர் காலமோ அல்ல.."லார்கோ காலம்" தான் ! Take Care folks !